येथें कोणाचें काय बा गेलें । ज्याचें त्यानेंच अनहित केलें ॥ध्रु०॥

संतीं सांगितलें ऐकेना । स्वतां बुद्धिही असेना ।

वृत्ति निवरली पिकेना । मूढ कोणाचें ऐकेना ॥१॥

अन्य यातिचे संगति लागे । साधुजनांमध्यें न वागे ।

केल्यावीण पराक्रम सांगे । जेथें सांगे तेथेंचि भीक मागे ॥२॥

नीत टाकुनी अनीत चाले । भडभड भलतेंच बोले ।

मत्त होउनी उन्मत्त डोले । अखेर फार वाइट झालें ॥३॥

तुका म्हणे कांहीं नेम । चित्तीं न धरी अधम ।

सांग पडलासे भ्रम । अंतीं कुटील त्यासी यम ॥४॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel