पहाटेच्या नीरव शांततेत
साद घाली कुणी मना हळूवार
अलगद गुज सांगे मजला
आशिर्वाद आहे तुजला सर्वथा ||१||
पसरला आनंद भाळावरी
स्वपनी दिसे ते मनी वसे जरि
तृप्त कृतार्थ आज मी कळले
गुपित मज असण्याचे आता||२|||
मरगळ गतवर्षांची सरली सारी
फुलला वसंत मनी आशेचा हळूवार
दिसे मार्ग सरळ सहज करि गजानन
देवुनि आशिष मजला करि कृतार्थ||३||
सरावे मीपण शिणलेले सारे जगणे आता
आशस्वस्थ करुनि गेला सूर तो गजाननाचा
जगी जयास कोणी नाही त्यास देव पाही
उमेदिने भरले मन झाले हळवे जरि||४||
आस एवढीच मिळो सुख न घडो संघर्ष
कदा कुणा सदा हीच प्रार्थना या दिनी
मुक्त करोनी कोरोनातूनि लाभो आरोग्य जगी
भाग्यवान मीच मिळे आशिर्वादांचि मांदियाळी
कृतज्ञ मी सर्वजनी कृतज्ञ मी तवा श्री चरणी||५||
©मधुरा धायगुडे
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
