खेळ ग फुगडी फुगडी । नको जाऊं तूं रडी ॥ध्रु०॥
फुगडी खेळ गे तूं पिंगा । आलिस माझ्या संगा ।
फुगडी खेळ रे श्रीरंगा । सोडुनि धांगडधिंगा ॥१॥
फुगडी खेळ गे फेराची । हो बाईल दिराची ।
लज्जा सांड गे मनाची । गांवच्या लोकांची ॥२॥
फुगडी खेळ गे लखोटा । धर माझा अंगोठा ।
बळकट घाल गे कांसोटा । सोडुन चारी वाटा ॥३॥
फुगडी खेळ गे शिवशक्ति । हरिनामाची भक्ति ।
तुकया स्वानंद गर्जती। पदोपदींच्या कीर्ति ॥५॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
