श्रीगणेशाय नम: ॥ नारायण नारायण जय गोविंद हरे । नारयण० जय गोपाल हरे ॥ ध्रु० ॥
करुणापारावारा वरुणालयगम्भीरा । नारयण० ॥ १ ॥
घननीरदसंकाशा कृतकलिल्मषनाशा । नारयण० ॥ २ ॥
यमुनातीरविहारा धृतकौस्तुभमणिहारा । नारयण० ॥ ३ ॥
पीतांबरपरिधाना सुरकल्याणनिधाना । नारयण० ॥ ४ ॥
मंजुलगुंजाभूषा मायामानुषवेषा। नारयण० ॥ ५ ॥
राधाऽधरमधुरसिका रजनीकरकुलतिलका । नारयण० ॥ ६ ॥
मुरलीगानविनोदा वेदस्तुतभूपादा । नारयण० ॥ ७ ॥
बर्हिनिबर्हापीडा नटनाटकफणिपीडा । नारयण० ॥ ८ ॥
वारिजभूषाभरणा राजीवरुक्मिणीरमणा । नारयण० ॥ ९ ॥
जलरुहदलनिभनेत्रा जगदारंभकसूत्रा । नारयण० ॥ १० ॥
पातकरजनीसंहर करुणालय मामुद्धर । नारयण० ॥ ११ ॥
अघबकक्षयकंसारे केशव कृष्ण मुरारे । नारयण० ॥ १२ ॥
हाटकनिभपीतांबर अभयं कुरु मे मावर । नारयण० ॥ १३ ॥
दशरथराजकुमारा दानवमदसंहारा । नारयण० ॥ १४ ॥
गोवर्धनगिरिधरणा गोपीमानस हरणा । नारयण० ॥ १५ ॥
सरयूतीरविहारा सज्जनऋषिमंदारा । नारयण० ॥ १६ ॥
विश्वामित्रमखत्रा विविधपरसुचरित्रा । नारयण० ॥ १७ ॥
ध्वजवज्रांकुशपादा धरणीसुतसहमोदा । नारयण० ॥ १८ ॥
जनकसुताप्रतिपाला जय जय संस्मृतिलीला । नारयण० ॥ १९ ॥
दशरथवाग्धृतिभारा दण्डकवनसंचारा । नारयण० ॥ २० ॥
मुष्टिकचाणूरसंहारा मुनिमानसाविहारा । नारयण० ॥ २१ ॥
वालिविनिग्रहशौर्या वरसुग्रीवहितार्या । नारयण० ॥ २२ ॥
मां मुरलीकरधीवर पालय पालय श्रीधर । नारयण० ॥ २३ ॥
जलनिधिबंधनधीरा रावणकंठविदारा । नारयण० ॥ २४ ॥
ताटीमददलनाढया नटगुणविविधधनाढ्या । नारयण० ॥ २५ ॥
गौतमपत्नीपूजन करुणाघनावलोकन । नारयण० ॥ २६ ॥
सभ्रमसीताहारा साकेतपुरविहारा । नारयण० ॥ २७ ॥
अचलोद्धृति चंचत्कार भक्तानुग्रहतत्पर । नारयण० ॥ २८ ॥
नैगमगानविनादारक्ष:सुतप्रह्लादा । नारयण० ॥ २९ ॥
भारतियतिवरशंकर नामामृतमखिलांतर । नारयण० नारयण जप गोपाल हरे ॥ ३० ॥
इति श्रीमच्छंकराचार्यविरचितं नारायण स्तोत्र सम्पूर्णम् ॥
