जो जो जो जो रे रघुराया । निद्रा करि बा सखया ।
जोगी आलासे भेटाया । शशिसम देखुनि काया ॥धृ॥
जोगी दिसतो सुंदर । मस्तकी जटाभार ।
गळा रुंडमाळांचे हार । शोभे व्याघ्रांबर ॥१॥
भस्म चर्चूनी सर्वांगी । वेष्टिला भुजंगी ।
भूतें घेऊनी स्वअंगी । आला प्रेमरंगी ॥२॥
जटेमधूनिया तो जळ वाहे । मुद्रा लावुनि पाहे ।
मान धरुनिया तो राहे । न कळे कोण आहे ॥३॥
इतुके ऎकुनिया वचन । हासले रघुनंदन ।
भावे पदकमळी तल्लीन । गोसावीनंदन ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
