जो जो जो जो रे घनशाश्या । निजबाळा गुणधामा ।
जोगी आलासे निश्रामा । स्वामी दाविन तुम्हां ॥ जो जो ॥धृ॥
जोगी दिसतो विचित्र । त्याल तीन नेत्र ।
चर्मावेगळे नसे वस्त्र । म्हणवी तुझ्या मित्र ॥ जो जो ॥१॥
आंगी लावुनियां विभूती । अर्धांगी पार्वती ।
वृषभारुढ तो पशुपती । त्रिशुळ डमरु हाती ॥ जो जो ॥२॥
आणिक एक नवल दयाळा । कंठ दिसतो निळा ।
मस्तकी जळ वाहे झुळझुळा । नेत्री अन्निज्वाळा ॥ जो जो ॥३॥
योगी आलासे अंगणी । तुळसीवृदांवनी ।
तुजला देखीले नयनी । घालीत लोटांगणी ॥ जो जो ॥४॥
आळ घेतली न राहे । जोगी दावी माये ।
सर्पभूषणी तो आहे । परब्रह्म पाहे ॥ जो जो ॥५॥
गोकुळीं जन्मले निधान । परब्रह्मा ते जाण ।
तयाचे चरणी शरण । एकाजनार्दन । जो जो ॥६॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
