दे गा पायीं जागा पंढरीच्या पांडुरंगा ।
शरण तुला मी आलों अरे जगदीशा ।
सोडवी मजला भक्त-भव-भंगा ॥१॥
मंत्रहीन क्रियाहीन दीन देवा ।
कृपा करी रुक्मिणीच्या मानस रंगा ॥२॥
जडमूढ उद्धरिले पतित जनाला ।
माझी नये करुणा कैशी तुजला अभंगा ? ॥३॥
धावण्या द्रौपदिच्या हरि धावलाशीं ।
पुरवुन वस्त्रें तेथें झाकिलें अंगा ॥३॥
म्हणे गंगु हैबती क्षमा करी आतां ।
महादेव गुणी लीन स्मरणीं प्रसंगा ॥४॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel