हुली गाय हुली शिंगें वासरूं जालें कोसें । प्रकृतीपुरुषा भांडण जालें खाटलें जालें वोसें ॥ १ ॥
चाल रामराया । लागे तुझ्या पायां ॥ध्रु०॥
अनकाई वरिष्ठकाई त्यावरी बैसला खुभा । मिसकीन मामी फुसकून पादली जांवाई हागे उभा ॥ २ ॥
नाहीं नर नाहीं नारी नाहीं तेथें योनी । हुसकून गेलें सावलें तेथें परतले दोन्ही ॥ ३ ॥
वेणी फणी काजळ कुंकू केला टाकमटीका । पाठीची बाल प्रकृति भली संसार करी निका ॥ ४ ॥
चांग भांग करुनी गेली केतकी वनां । सोळा जणें लेंकुरें जालीं दादुला न ये मना ॥ ५ ॥
कार्यास्तव सौरी जालें डौर उजवे करीं । मातापुरीं यात्रा भरली उदो रेणगिरी ॥ ६ ॥
जाती वर्ण कुळधर्म नुरेचि आम्हां कांहीं । एका जनार्दनीं शरण सुमन तनुमन तयापायीं ॥ ७ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
